Mila esker!

Ez dugu hitzik sentitzen duguna adierazteko. Mila mila esker mugikorra ekarri eta zuen laguntza eman diguzuen guztioi! Zuei esker 500 mugikorretik gora bildu ditugu!

KANPAINAREN AZKEN EGUNAK. EKAR EZAZU ZURE MUGIKORRA!

Ekainaren 1ean hasi genuen kanpaina bukatzear dago, ostegunean, hilaren 15ean, itxiko baitugu epea zuen mugikor zaharrak jasotzeko. Beraz, azken egun hauek aprobetxatu ikastolako idazkaritzara edota garbigunera zuen mugikorrak eramateko eta KONGO LAGUNTZEKO!

KANPAINAREN AURKEZPENA

Azken bi egunetan, LH 5. mailatik hasi eta DBH 4. mailaraino, KONGOREN ALDEKO MUGIKOR BIILKETA kanpaina aurkezten ibili gara. Eskerrik asko entzuteagatik!

Gogoratu ekainaren 15 arte duzuela aukera ikastolako idazkaritza zuen mugikor zaharrak uzteko. Eskerrik asko zuen laguntzagatik!

KONGOREN ALDEKO MUGIKOR BILKETA / COLLECTING MOBILES FOR CONGO

DBH 3. mailako ikasleok Alboan gobernuz kanpoko erakundearen kanpaina batean parte hartzen ari gara. Mugikor zaharrak edo erabiltzen ez direnak biltzea da helburua, horrela, hauek gordetzen dituzten mineralak birziklatu eta Kongo ekialdetik gutxiago ekarri behar izateko. Horrez gain, lortutako irabazi ekonomikoak Alboanek Kongon dituen proiektuetara bideratuko dira. 

Ekar ezazu zure mugikorra ekainaren 1etik 15era ikastolako idazkaritzara edota Ikastola Egunean (ekainaren 4ean) DBH 3. mailakoen taberna ingurura. 

Eskerrik asko zuen laguntzagatik!