Aurreko
ostegunean, hilak 7, amonen festa antolatu genuen Haurtzaro Ikastolan,
hirugarren hiruhilekoan landu dugun gaiari amaiera emateko. Izan ere, gure
amonak elkarrizketatu egin ditugu, beste garai batzuetan bizi izan direlako eta zenbaitetan
haien bizitza gehiegi ezagutzen ez dugulako. Une zailetan bizi izan dira
gehienak eta haien ekarpena ez dugu inolaz ere ahaztu nahi. Gainera,
guzti-guztiek egin dutena aldarrikatu nahi dugu.
Gure gonbidapenari
30 amonek eman zioten baietza eta haientzat propio prestatutako ikuskizuna
eskaini genien. Bertsoak, abestiak, dantzak, musika, bideoa… tartekatu genituen
gure egitarau oparoan. Amaieran, txalo zaparradaren ostean, luntx ttiki bat
egin genuen eta oso gustura bukatu genuen gure jarduna. Eskerrik asko guztiei!
iruzkinik ez:
Argitaratu iruzkina